წლის საუკეთესო თეატრალური ნამუშევარი - 2019

შემოქმედებითი კავშირი - საქართველოს თეატრალური საზოგადოების ყოველწლიური პრემია - „წლის საუკეთესო თეატრალური ნამუშევარი - 2019“

15-დან გაიცა მხოლოდ 8 ნომინაცია:

1.      წლის საუკეთესო ქართული პიესისთვის - არ გაიცა.

2.      წლის საუკეთესო სპექტაკლისთვის „გრან-პრი“ (პერსონალური შემადგენლობა განისაზღვრება შემოქმედებითი ჯგუფის არა უმეტეს სამი წევრით) - „შინელი“. რეჟისორი - ნიკოლოზ საბაშვილი, მხატვარი - ბარბარა ასლამაზიშვილი, მსახიობი - მალხაზ გაბუნია. თბილისის გიორგი მიქელაძის სახელობის პროფესიული სახელმწიფო თეატრი.

3.      წლის საუკეთესო რეჟისორული ნამუშევარი - „შეშლილის წერილები“, რეჟისორი - სოსო ნემსაძე. გიგა ლორთქიფანიძის სახელობის რუსთავის მუნიციპალური თეატრი.

4.      წლის საუკეთესო მამაკაცის როლისთვის - არ გაიცა.

5.      წლის საუკეთესო ქალის როლისთვის - არ გაიცა.

6.      წლის საუკეთესო ეპიზოდური მამაკაცის როლისთვის - სულხან გოგოლაშვილი, კუკურის როლის შესრულებისთვის სპექტაკლში  „იქ სადაც ჩემი სახლია“. ქუთაისის ლადო მესხიშვილის სახელობის პროფესიული სახელმწიფო დრამატული თეატრი.  

7.      წლის საუკეთესო ეპიზოდური ქალის როლისთვის - თეკლა ჯავახაძე, მელიის როლის შესრულებისთვის სპექტაკლში „პატარა უფლისწული“. ნოდარ დუმბაძის სახელობის მოზარდ მაყურებელთა პროფესიული სახელმწიფო თეატრი.

8.      წლის საუკეთესო ახალგაზრდა მსახიობი ვაჟისთვის (არა უმეტეს 30 წლის) - არ გაიცა.

9.      წლის საუკეთესო ახალგაზრდა მსახიობი ქალისთვის (არა უმეტეს 30 წლის) - თინათინ მოსულიშვილი, ანტუანეტა შტეინის როლის შესრულებისთვის სპექტაკლში „ბიოგრაფია:თამაში“.ქუთაისის ლადო მესხიშვილის სახელობის პროფესიული სახელმწიფო დრამატული თეატრი.

10.   წლის საუკეთესო სცენოგრაფიული ნამუშევრისთვის - არ გაიცა.

11.   წლის საუკეთესო ორიგინალური მუსიკისთვის - ჯაზ პროგრესივ ბენდი „კანუდოსი“, სპექტაკლ „ფანჯრებს იქით“ გაფორმებისთვის. გორის გიორგი ერისთავის სახელობის სახელმწიფო დრამატული თეატრი.

12.   წლის საუკეთესო ქორეოგრაფიული ნამუშევრისთვის - არ გაიცა.

13.   წლის ორიგინალური თეატრალური იდეისა და მისი განხორციელებისთვის - „ნოსტრადამუსი“, რეჟისორი - მამუკა ცერცვაძე. ჭიათურის აკაკი წერეთლის სახელობის პროფესიული სახელმწიფო დრამატული თეატრი.

14.   წლის საუკეთესო თეორიული (წიგნი, მონოგრაფია, თეატრის თეორია და ა.შ.) ნამუშევრისთვის - არ გაიცა.

15.   წლის საუკეთესო კრიტიკული (რეცენზია, შემოქმედებითი პორტრეტი და ა.შ.) ნაშრომისთვის - ანტიგონე, კრეონი და საზოგადოება, თეა კახიანი.

წლევანდელ კონკურსში საქართველოს მასშტაბით მხოლოდ თორმეტმა პროფესიულმა თეატრმა მიიღო მონაწილეობა (თბილისიდან  - 3, რეგიონებიდან - 9 თეატრი):

·     ნოდარ დუმბაძის სახელობის მოზარდ მაყურებელთა პროფესიული სახელმწიფო თეატრი.

·        თბილისის გიორგი მიქელაძის სახელობის პროფესიული სახელმწიფო თეატრი.

·        თბილისის სახელმწიფო დრამატული თეატრი „გლობუსი“.

·        გიგა ლორთქიფანიძის სახელობის რუსთავის მუნიციპალური თეატრი.

·        ჭიათურის აკაკი წერეთლის სახელობის პროფესიული სახელმწიფო დრამატული თეატრი.

·        გორის გიორგი ერისთავის სახელობის სახელმწიფო დრამატული თეატრი.

·        ფოთის ვალერიან გუნიას სახელობის პროფესიული სახელმწიფო თეატრი.

·        ქუთაისის ლადო მესხიშვილის სახელობის პროფესიული სახელმწიფო დრამატული თეატრი.  

·        მესხეთის (ახალციხის) პროფესიული სახელმწიფო დრამატული თეატრი.

·        ცხინვალის ივანე მაჩაბლის სახელობის  პროფესიული სახელმწიფო დრამატული თეატრი.

·        თელავის ვაჟა-ფშაველას სახელობის პროფესიული სახელმწიფო დრამატული თეატრი.

·        სოხუმის მოზარდ მაყურებელთა პროფესიული სახელმწიფო თეატრი „თეთრი ტალღა“.

შემოქმედებითი კავშირი - საქართველოს თეატრალური საზოგადოების წევრებს შეუძლიათ ყოველწლიურ კონკურსში მონაწილეობის მიღება, სამწუხაროდ ამ სიაში არ არიან:

·        შოთა რუსთაველის სახელობის სახელმწიფო დრამატული თეატრი.

·        კოტე მარჯანიშვილის სახელობის სახელმწიფო დრამატული თეატრი.

·        მუსიკისა და დრამის თეატრი.

·        მოძრაობის თეატრი.

·        სამეფო უბნის თეატრი.

·        თავისუფალი თეატრი.

·        სანდრო ახმეტელის სახელობის სახელმწიფო თეატრი.

იმედი მაქვს ნელ-ნელა ყველა თეატრი გაწევრიანდება და კონკურსსაც სრულფასოვანი სახე მიეცემა.